أشهر السيارات الكورية المستعملة في مصر
اللي بنشوفهم أكتر من غيرهم: هيونداي إيلانترا وأكسينت وتوسان، وكيا سيراتو وسيد وسبورتاج.
وميزتهم الحقيقية إن قطع الغيار متوفرة وسعرها معقول، فالعيب اللي يطلع في الفحص غالباً بيبقى قابل للتفاوض مش سبب لإلغاء الصفقة.
فحص هيونداي إيلانترا وكيا سيراتو
دول أكتر اتنين بنفحصهم، وفيه نقط بنبص عليها فيهم بالتحديد:
- الفتيس الأوتوماتيك: نعومة النقل وتوقيته، وده أغلى بند ممكن تدفعه لو اتستر عليك.
- التكييف والتبريد: مع جو مصر، ضعف التبريد علامة على إهمال.
- العفشة: شوارعنا بتتعب العفشة، وده أسرع بند بيبدأ يتعب في الموديلات دي.
- سجل الأعطال المسجلة: وده اللي الكمبيوتر بيطلعه.
يشاهد الزوار أيضا: الفحص الشامل للسيارة المستعملة
الكشف بالكمبيوتر على السيارات الكورية
هيونداي وكيا بيستخدموا أنطمة متقاربة لأنهم من نفس المجموعة، وده بيسهل القراية بشرط يكون الجهاز بيدعمهم فعلاً. القراية بتوري:
- أعطال مخزنة في وحدة الموتور والفتيس.
- أعطال في أنطمة الأمان زي الـ ABS والوسادات الهوائية.
- أثر مسح أعطال قريب، وده برضه معلومة مهمة.
وبرضه الكمبيوتر ما ينفعش لوحده، لأنه ما بيشوفش الشاسيه ولا رشة الدهان. التفاصيل في الكشف بالكمبيوتر على السيارة.
موقع فحص السيارات الكورية: المركز ولا مكان العربية؟
عندك اختيارين والتقرير واحد:
- المركز الثابت: 16 ابن قتيبة، خلف الحديقة الدولية، مدينة نصر. بالرفّاع، ففحص العفشة من تحت أدق.
- الخدمة المتنقلة: المهندس يجيلك بأجهزته في مكان العربية. تفاصيل الخدمة المتنقلة.
أسعار فحص السيارات الكورية
السعر بيتحدد على حسب الموديل ونوع الفحص ومكانه. كلمنا على 01553697304 وقول الموديل والسنة وهتعرف الرقم قبل ما تتحرك.
نصايح شراء سيارة كورية مستعملة
- شغلها باردة واسمع الموتور في أول دقيقة، لأن فيه أعطال بتختفي بعد التسخين.
- جرب الفتيس على طريق طويل شوية مش لفة جوه الشارع.
- شوف تاريخ الصيانة لو موجود، واسأل عن التوكيل.
- ما تعتمدش على إن الماركة “موفرة”. العربية المهملة مهملة بأي ماركة.
ولو عاوز الصورة الكاملة عن أنواع الفحص والأسعار، شوف دليل فحص السيارات في مصر.
